நீங்கள் தேடியது "காதலன் கைது"

பள்ளிக்கரணை:

தாம்பரத்தை அடுத்த சேலையூர் அருகே உள்ள கோவிலஞ்சேரியை சேர்ந்த குணசேகரன் வீட்டில் வேலை பார்த்து வந்தவர் தேவி.

வேலூரை சேர்ந்த தேவி, கடந்த ஜனவரி மாதம் பொன்னம்பலம் என்பவர் மூலம் குணசேகரன் வீட்டில் வேலைக்கு சேர்ந்தார். கடந்த 3-ந்தேதி தேவியை பார்ப்பதற்காக வாலிபர் ஒருவர் வந்தார்.

அவரை தனது கணவர் என்று குணசேகரிடம் தேவி தெரிவித்தார். இதையடுத்து இருவரும் ஒரே அறையில் தங்கி இருந்தனர். வீட்டு வேலையையும், மாடுகளை பராமரிப்பதையும் அவர்கள் செய்து வந்தனர். இந்த நிலையில் கடந்த 16-ந்தேதி இருவரும் திடீர் என்று மாயமானார்கள். கணவன்- மனைவி என்பதால் சொல்லாமல் சொந்த ஊருக்கு சென்று இருக்கலாம் என்று குணசேகரன் கருதினார். எனவே இதுபற்றி போலீசில் புகார் செய்யவில்லை.

இந்த நிலையில் இருவரும் தங்கியிருந்த வீட்டின் கழிவு நீர் தொட்டியில் இருந்து துர்நாற்றம் வீசியது. இது குறித்து போலீசுக்கு தகவல் தெரிவிக்கப்பட்டது. சேலையூர் போலீசார் அங்கு சென்று பார்த்தபோது சில தினங்களுக்கு முன்பு மாயமான தேவி கழிவுநீர் தொட்டியில் பிணமாக கிடந்தது தெரிய வந்தது.

இதுகுறித்து சேலையூர் போலீசார் நடத்திய விசாரணையில், தேவியுடன் தங்கிய வாலிபர்தான், இந்த பெண்ணை கொலை செய்து பிணத்தை கழிவுநீர் தொட்டியில் வீசி சென்றது தெரியவந்தது. தேவியுடன் தங்கியது யார் என்பது குறித்தும் விசாரணை நடைபெற்றது. இதில் தேவியை கொலை செய்த வாலிபர் அவருடைய காதலர் என்று தெரியவந்தது. அவரை தனிப்படை போலீசார் தேடி வந்தனர். இந்த நிலையில் அவர் போலீஸ் பிடியில் சிக்கியுள்ளார். கொலைக்கான காரணம் குறித்து விசாரணை நடந்து வருகிறது.

ஊத்துக்கோட்டை:

செங்குன்றம் அருகே உள்ள ஆரிக்கம்பட்டை சேர்ந்தவர் ஜெயபால். பூ வியாபாரி. இவரும் அதே பகுதியை சேர்ந்த 17 வயது இளம்பெண்ணும் காதலித்து வந்தனர்.

திருமணம் செய்து கொள்வதாகக் கூறி ஜெயபால் இளம்பெண்ணுடன் உல்லாசமாக சுற்றி வந்தார். இந்த நிலையில் ஜெயபாலுக்கு வேறு ஒரு பெண்ணுடன் திருமணம் செய்ய ஏற்பாடு நடந்ததாக தெரிகிறது.

இதனை அறிந்த இளம்பெண், அவரிடம் தட்டிக்கேட்டார். அப்போது ஜெயபால் இளம்பெண்ணை திட்டி திருமணம் செய்ய மறுப்பு தெரிவித்தார். இதனால் மனவேதனை அடைந்த இளம்பெண் வி‌ஷம் குடித்து மயங்கினார்.

அவருக்கு சென்னை ஸ்டான்லி அரசு ஆஸ்பத்திரியில் தீவிர சிகிச்சை அளிக்கப்பட்டு வருகிறது. இதுகுறித்து இளம்பெண்ணின் தாய் ஊத்துக்கோட்டை மகளிர் போலீஸ் நிலையத்தில் புகார் செய்தார். இன்ஸ்பெக்டர் அனுராதா வழக்குப்பதிவு செய்து ஜெயபாலை கைது செய்தார்.

திருச்சி:

கடலூர் மாவட்டம் பெரிய காட்டுப்பாளையத்தை சேர்ந்தவர் செல்லப்பன் மகள் செந்தமிழ்செல்வி (வயது 23). திருச்சி பெண்கள் சிறையில் வார்டனாக பணியாற்றி வந்த இவருக்கும் திருச்சி மத்திய சிறையில் வார்டனாக பணியாற்றி வந்த வெற்றிவேலுக்கும் (24) இடையே காதல் ஏற்பட்டுள்ளது.

இதனை அறிந்த வெற்றிவேலின் பெற்றோர் அவருக்கு வேறு இடத்தில் பெண் பார்த்திருந்தனர். அதன்படி இன்று சுவாமிமலையில் வைத்து திருமணம் நடைபெறுவதாக இருந்தது. இதனால் காதலன் தனக்கு கிடைக்கவில்லை என்ற ஏக்கத்தில் செந்தமிழ் செல்வி, தான் தங்கிருந்த காவலர் குடியிருப்பில் தூக்கிட்டு தற்கொலை செய்து கொண்டார்.

இந்த சம்பவம் திருச்சியில் பரபரப்பை ஏற்படுத்திய நிலையில், செந்தமிழ்செல்வி தற்கொலைக்கு காரணமான வெற்றிவேல், அவரின் அண்ணன் கைலாசம், அண்ணி ராஜசுந்தரி ஆகியோர் மீது நடவடிக்கை எடுக்க வேண்டும் என செல்லப்பன் கே.கே.நகர் காவல் நிலையத்தில் புகார் செய்தார்.

அதனை தொடர்ந்து போலீசார் ஆபாசமாக பேசுதல், தற்கொலைக்கு தூண்டுதல், கொலை மிரட்டல் விடுத்தல் மற்றும் தாழ்த்தப்பட்டவர்கள் மற்றும் பழங்குடியின மக்களுக்கு எதிரான வன்கொடுமை தடுப்பு சட்டத்தின் கீழ் 3 பேர் மீதும் வழக்குப்பதிவு செய்தனர்.

மேலும் சம்பவம் குறித்து அறிந்த 3 பேரும் தலைமறைவாகினர். இன்ஸ்பெக்டர் வேல்முருகன் தலைமையில் தனிப்படை போலீசார் அவர்களை தேடி வந்தனர். இதில் வெற்றிவேல் தனது சொந்த ஊரான அரியலூர் மாவட்டம் திருமானூரில் பதுங்கியிருந்தபோது கைது செய்யப்பட்டார்.

விசாரணையில், செந்தமிழ் செல்வியை நான் காதலிக்கவில்லை என்றும், அவர் வேறு ஒருவரை காதலித்ததாகவும் கூறியுள்ளார். அதனை தொடர்ந்து போலீசார் திருச்சி கோர்ட்டில் ஆஜர் செய்து அவரை லால்குடி கிளைச்சிறையில் அடைத்தனர். இதற்கிடையே அவர் செந்தமிழ்செல்வியுடனும், அவரது தந்தையுடனும் பேசிய 15 நிமிட ஆடியோ வாட்ஸ்அப்பில் பரவியது.

அதில் செந்தமிழ் செல்வியின் திருமணத்திற்கு பெற்றோர் ஒப்புதல் தெரிவித்து விட்டதாகவும், வெற்றிவேலின் அண்ணன் கைலாசம், அண்ணி ராஜசுந்தரி ஆகியோர் எதிர்ப்பு தெரிவிப்பதாக இருவரும் பேசிக்கொண்டனர். இந்த பேச்சு தொடரும் போதே செந்தமிழ்செல்வியின் தந்தை செல்லப்பன் இணைப்பை துண்டித்துவிடுகிறார். பின்னர் இருவரும் திருமணம் குறித்து பேசிவிட்டு இணைப்பை துண்டிக்கின்றனர்.

இது கடந்த சில நாட்களுக்கு முன்பு பேசிய உரையாடலாக இருக்கலாம் என்றும், வெற்றிவேலின் காதலை வீட்டில் ஏற்றுக் கொள்ளாததை அறிந்த செந்தமிழ் செல்வி தற்கொலை முடிவை எடுத்திருக்கலாம் என்றும் கூறப்படுகிறது.

தற்கொலை செய்த செந்தமிழ் செல்வி தங்கியிருந்த வீட்டில் அவரால் எழுதப்பட்ட டைரி ஒன்றையும் போலீசார் கைது செய்துள்ளனர். அதில் இருவரின் காதல் குறித்த தகவல்களும், காதல் தோல்வியால் அவர் எழுதிய வாசகங்களும் இடம்பெற்றிருக்கலாம் எனவும் கூறப்படுகிறது. இருப்பினும் போலீசார் டைரியில் ‘தனது சாவிற்கு யாரும் காரணமில்லை. எனக்கு வாழ பிடிக்கவில்லை’ அதனால் தற்கொலை செய்துகொள்வதாக எழுதியிருந்ததாக கூறுகின்றனர்.

மேலும் தலைமறைவாக உள்ள வெற்றிவேலின் அண்ணன் கைலாசம், அவரது அண்ணி ராஜசுந்தரியையும் போலீசார் தீவிரமாக தேடி வருகின்றனர். இவர்கள் 3 பேரும் சிறைத்துறையில் பணியாற்றி வருவதால் அவர்கள் மீது துறை ரீதியான நடவடிக்கை எடுக்கப்பட்டு வருகிறது. மேலும் அவர்களை சஸ்பெண்டு செய்வதற்கான நடவடிக்கைகளையும் அதிகாரிகள் மேற்கொண்டு வருகின்றனர்.

நெல்லை:

நெல்லை மாவட்டம் மூலைக்கரைப்பட்டி அருகே உள்ள பெருமாள் நகர் விலக்கில் இருந்து சேரகுளம் செல்லும் சாலையில் கெமிக்கல் கம்பெனி ஒன்று இயங்காமல் மூடி கிடக்கிறது. அந்த கம்பெனி வளாகத்துக்குள் இளம்பெண் ஒருவர் பிணமாக கிடப்பதாக நேற்று மாலையில் மூலைக்கரைப்பட்டி போலீசாருக்கு தகவல் கிடைத்தது.

இதையடுத்து நாங்குநேரி துணை போலீஸ் சூப்பிரண்டு இளங்கோவன், இன்ஸ்பெக்டர் சாந்தி மற்றும் போலீசார் சம்பவ இடத்துக்கு விரைந்து சென்றனர். அங்கு ஒரு இளம்பெண் கழுத்து அறுக்கப்பட்ட நிலையில் ரத்த வெள்ளத்தில் பிணமாக கிடந்தார். அந்த இளம்பெண்ணின் கைகள் பின்புறமாக கட்டப்பட்டு இருந்தது.

அவரை யாரோ கழுத்தை அறுத்து கொலை செய்தது தெரியவந்தது. ஆனால் அந்த இளம்பெண் யார்? அவரை கொன்றது யார்? என்பது தெரியவில்லை. ஆகவே அது குறித்து போலீசார் தீவிர விசாரணை நடத்தினர்.

அதில் கொலை செய்யப்பட்டு கிடந்த அந்த இளம்பெண் நெல்லை பேட்டை ரஹ்மத் நகர் பகுதியை சேர்ந்த மதார் மைதீன் என்பவரின் மகள் ஆஷிகா பர்வீன் (வயது 17) என்பது தெரியவந்தது. அவர் 10-ம் வகுப்பு படித்து விட்டு, கம்ப்யூட்டர் பயிற்சிக்கு சென்று வந்துள்ளார்.

நேற்று காலையும் வழக்கம் போல் கம்ப்யூட்டர் பயிற்சிக்கு சென்ற அவர் மதியம் வீட்டுக்கு வரவில்லை. இதனால் அவரது குடும்பத்தினர், அவருடைய செல்போனுக்கு தொடர்பு கொண்டு கேட்டபோது, சற்று நேரத்தில் வருவதாக கூறியுள்ளார். இந்நிலையில் மூலக்கரைப்பட்டி அருகே உள்ள பழைய கெமிக்கல் கம்பெனி வளாகத்தில் பிணமாக மீட்கப்பட்டார்.

மாணவி ஆஷிகா பர்வீனை கொலை செய்தது யார்? அவர் சம்பவ இடத்திற்கு எப்படி சென்றார்? என்பது குறித்து இன்ஸ்பெக்டர் சாந்தி தலைமையிலான தனிப்படை போலீசார் விசாரணை நடத்தினார்கள். அப்போது திடுக்கிடும் தகவல்கள் கிடைத்தது. அதன் விபரம் வருமாறு:-

மாணவி ஆஷிகா பர்வீன் கம்ப்யூட்டர் மையத்துக்கு தினசரி சென்று வந்தபோது, மேலச்செவலை சேர்ந்த முருகன் மகன் சுந்தர்ராஜ் (25) என்பவருடன் பழக்கம் ஏற்பட்டுள்ளது. நாளடைவில் அது காதலாக மாறியது. கடந்த 6 மாதமாக சுந்தர் ராஜும், ஆஷிகா பர்வீனும் காதலித்து வந்துள்ளனர்.

இவர்கள் காதல் விவகாரம் ஆஷிகா பர்வீனின் பெற்றோருக்கு தெரியவந்தது. அவர்கள் மகளின் காதலுக்கு எதிர்ப்பு தெரிவித்தனர். மேலும் ஆஷிகா பர்வீனுக்கு திருமணம் செய்து வைக்க மாப்பிள்ளை தேடும் முயற்சியில் ஈடுபட்டனர். இந்த நிலையில் நேற்று கம்ப்யூட்டர் பயிற்சிக்கு சென்ற அவர் மதியம் வீடு திரும்பாததால் பெற்றோர் அதிர்ச்சியடைந்தனர்.

இதையடுத்து அவரது தாயார், ஆஷிகா பர்வீன் செல்போனுக்கு பிற்பகல் 2 மணி அளவில் தொடர்பு கொண்டு பேசியுள்ளார். அப்போது அவர் நெல்லை சந்திப்பு பஸ் நிலையத்தில் நிற்பதாகவும், காதலன் சுந்தர்ராஜனின் படம் தன்னிடம் உள்ளதால் அதை சுந்தர்ராஜிடம் திருப்பி கொடுத்து விட்டு வந்து விடுவேன். இனி அவரை சந்திக்க மாட்டேன் என்றும் கூறியுள்ளார்.

இதனால் அவரது பெற்றோரும் மாணவி ஆஷிகா பர்வீன் சிறிது நேரம் கழித்து வீட்டுக்கு வந்து விடுவார் என்று அமைதியாக இருந்து விட்டனர். ஆனால் மாலை வரை ஆஷிகா பர்வின் வீடு திரும்பவில்லை. மேலும் அவரது செல்போன் தொடர்ந்து ‘ரிங்’ அடித்து கொண்டே இருந்ததால், பெற்றோர் சந்தேகம் அடைந்து தேடியுள்ளனர். அப்போது தான் ஆஷிகா பர்வின் கொலை செய்யப்பட்டு பிணமாக கிடப்பது அவர்களுக்கு தெரியவந்தது.

இதைத் தொடர்ந்து போலீசார் ஆஷிகா பர்வீனின் செல்போனை ஆய்வு செய்தனர். அப்போது அவருடன் சுந்தர்ராஜ் பேசியதும், இருவரும் ஒன்றாக அந்த பகுதிக்கு சென்றதும் தெரியவந்தது. இதனால் போலீசார் காதலன் சுந்தர்ராஜை தேடினார்கள். ஆனால் அவர் மாயமாகி இருப்பது தெரியவந்தது. அவரது செல்போன் ‘சுவிட்ச்’ ஆப் செய்யப்பட்டிருந்தது.

இதனால் போலீசார் சுந்தர்ராஜை வலைவீசி தேடி வந்தனர். போலீசார் தேடுவதையறிந்த சுந்தர்ராஜின் உறவினர்களும் அவரை தேடினார்கள். அப்போது உறவினர் வீட்டில் சுந்தர்ராஜ் பதுங்கியிருப்பது தெரிய வந்தது. இதையடுத்து உறவினர்கள் சுந்தர்ராஜை மூலக்கரைப்பட்டி போலீஸ் நிலையத்தில் ஒப்படைத்தனர்.

அவரிடம் போலீசார் விசாரித்தபோது ஆயிஷா பர்வீனை கொன்றதை ஒப்புக்கொண்டார். இதையடுத்து சுந்தர்ராஜை போலீசார் கைது செய்தனர். கொலைக்கான காரணம் குறித்து சுந்தர்ராஜ் போலீசாரிடம் வாக்குமூலம் அளித்துள்ளார். அதன் விபரம் வருமாறு:-

ஆயிஷா பர்வீனை நான் 6 மாதமாக காதலித்து வந்தேன். எங்களது காதலுக்கு ஆயிஷா பர்வீன் வீட்டில் எதிர்ப்பு கிளம்பியது. அவருக்கு வேறு இடத்தில் மாப்பிள்ளை பார்த்தார்கள். அதற்கு ஆயிஷா பர்வீன் சம்மதித்தார். காதலித்தபோது நாங்கள் இருவரும் எடுத்துக்கொண்ட போட்டோக்கள் எங்களிடம் இருந்தன. அதை பெறுவதற்காக ஆயிஷா பர்வீன் என்னை தொடர்பு கொண்டார்.

அப்போது ஊருக்கு வெளியே சென்று போட்டோவை தருகிறேன் என்று கூறி மூலக்கரைப்பட்டி பகுதிக்கு அழைத்து சென்றேன். அங்குள்ள காட்டு பகுதிக்கு வந்ததும் என்னை காதலித்து விட்டு வேறொரு வரை திருமணம் செய்ய எப்படி சம்மதிக்கலாம்? நீ என்னைதான் காதலிக்க வேண்டும் என மிரட்டினேன்.

அதற்கு அவள் என்னிடம் இருந்து போட்டோக்களை பெறுவதிலேயே குறியாக இருந்தாள். இதனால் ஆத்திரமடைந்த நான் ஆயிஷா பர்வீன் கைகளை கட்டி கீழே தள்ளி கழுத்தை அறுத்து கொலை செய்தேன்.

இவ்வாறு அவர் வாக்குமூலத்தில் கூறியுள்ளார்.

இந்த கொலையில் சுந்தர்ராஜுக்கு யாராவது உதவி செய்திருக்கலாம் என போலீசார் கருதுகின்றனர். அதன்படி வேறு யாருக்கும் கொலையில் தொடர்பு உள்ளதா? என்று சுந்தர்ராஜிடம் போலீசார் விசாரணை நடத்தி வருகின்றனர்.

பல்லடம்:

வால்பாறை முடீஸ் பகுதியை சேர்ந்தவர் திருமலைகுமார். இவரது மனைவி வசந்தா. இவர்களுக்கு மஞ்சுளா(20) என்ற மகளும், 13 வயதில் ஒரு மகனும் உள்ளனர். திருமலைகுமார் திருப்பூர் மாவட்டம் பல்லடம் அருகேயுள்ள கரைப்புதூர் ஊராட்சி உப்பிலிபாளையத்தில் வாடகை வீட்டில் கடந்த 2 ஆண்டுகளாக குடும்பத்துடன் வசித்து வந்தார்.

கணவன்-மனைவி, மகள் மஞ்சுளா ஆகியோர் பனியன் நிறுவனத்தில் வேலை செய்தனர். அவர்களது மகன் அங்குள்ள ஒரு பள்ளியில் படித்து வந்தான்.

இந்நிலையில் மஞ்சுளா தன்னுடன் பின்னலாடை நிறுவனத்தில் வேலை பார்க்கும் கார்த்திகேயன்(20) என்ற வாலிபரை காதலித்தார். இதுபற்றி தெரியவந்ததும் திருமலைகுமார், மனைவி, மகள், மகன் ஆகியோரை சொந்த ஊரான வால்பாறைக்கு அனுப்பி வைத்துவிட்டார்.

அவர் மட்டும் தனியாக தங்கி வேலைபார்த்து வந்தார். காதலனை பிரிந்த மஞ்சுளா சொந்த ஊரில் இருந்து கொண்டு செல்போன் மூலம் தனது காதலனுடன் தொடர்பில் இருந்தார்.

இந்த நிலையில் வால்பாறையில் இருந்து கடந்த 5-ந்தேதி பல்லடம் உப்பிலிபாளையத்தில் வசிக்கும் தனது பெரியம்மா வீட்டிற்கு மஞ்சுளா வந்தார். அங்கிருந்து மறுநாள் அதே பகுதியில் உள்ள காதலன் கார்த்திகேயன் வீட்டிற்கு சென்றார்.

இது பற்றி அறிந்த திருமலைக்குமார் செல்போன் மூலம் மஞ்சுளாவை அழைத்து பேசி கண்டித்தார். மேலும் வீட்டிற்கு திரும்பி வருமாறு கூறினார். அதனை ஏற்க மறுத்த மஞ்சுளா தொடர்ந்து கார்த்திகேயன் வீட்டிலேயே தங்கியுள்ளார்.

கார்த்திகேயன் வீட்டில் தங்கியிருந்த மஞ்சுளா வீட்டின் விட்டத்தில் தனது துப்பட்டாவால் தூக்கு போட்டு தற்கொலை செய்துகொண்டார் என்று கார்த்திகேயன் தரப்பினர் பல்லடம் போலீசாருக்கு தகவல் கொடுத்தனர். மஞ்சுளா உடலை கைப்பற்றி பல்லடம் போலீசார் தீவிர விசாரணை மேற்கொண்டனர்.

விசாரணையில் மஞ்சுளா தன்னை திருமணம் செய்து கொள்ளுமாறு கார்த்திகேயனை வற்புறுத்தியுள்ளார். மஞ்சுளாவை கார்த்திகேயன் குடும்பத்தினர் ஏற்றுக் கொள்ளாத காரணத்தினால் அவர்களை சமாதானம் செய்த பின்னர் சிறிது காலம் கழித்து திருமணம் செய்து கொள்கிறேன். அது வரை உனது தந்தை வீட்டிற்கோ அல்லது விடுதிக்கோ சென்று தங்கி கொள்ளுமாறு கார்த்திகேயன் கூறியுள்ளார். அதனை மஞ்சுளா ஏற்றுக்கொள்ளவில்லை.

நம்பி வந்த காதலன் இப்படி கூறியதால் மனவேதனை அடைந்த மஞ்சுளா கார்த்திகேயன் வீட்டில் தற்கொலை செய்து கொண்டது போலீசாரின் விசாரணையில் தெரியவந்தது.

இதைதொடர்ந்து காதலி மஞ்சுளாவை தற்கொலைக்கு தூண்டியதாக கார்த்திகேயனை பல்லடம் போலீசார் கைது செய்து நீதிபதி முன்பு ஆஜர்படுத்தி கோவை மத்திய சிறையில் அடைத்தனர். #tamilnews

நாகர்கோவில்:

குழித்துறை அருகே மீனச்சல், பாட்டத்துவிளை பகுதியை சேர்ந்தவர் ஸ்ரீஜா (வயது 23).

ஸ்ரீஜா, தேங்காய் பட்டினத்தில் உள்ள உறவினர் வீட்டில் தங்கியிருந்து நித்திரவிளையில் உள்ள ஒரு தனியார் ஆஸ்பத்திரியில் நர்சாக பணிபுரிந்து வந்தார். கடந்த 21- ந் தேதி இவர் குழித்துறை ஆற்றில் பிணமாக மிதந்தார்.

களியக்காவிளை போலீசார் ஸ்ரீஜாவின் பிணத்தை கைப்பற்றி பிரேத பரிசோதனைக்கு அனுப்பி வைத்தனர். இதில் ஸ்ரீஜா, 5 மாத கர்ப்பமாக இருந்தது தெரியவந்தது.

ஸ்ரீஜாவின் கர்ப்பத்துக்கு காரணமானவர் யார்? என்பதை கண்டுபிடிக்கும் முயற்சியில் களியக்காவிளை போலீசார் ஈடுபட்டனர். இதில் ஸ்ரீஜாவுக்கும் எஸ்.டி.மங்காட்டை சேர்ந்த விபின் (26) என்பவருக்கும் காதல் இருந்ததும், இருவரும் அடிக்கடி தனிமையில் சந்தித்து வந்த தகவலும் தெரியவந்தது.போலீசார் விபினை பிடித்து விசாரித்தனர்.

இதில் அவர் ஸ்ரீஜாவை குழித்துறை ஆற்றில் தள்ளி கொலை செய்ததை ஒப்புக் கொண்டார். இது தொடர்பாக அவர் போலீசாரிடம் அளித்த வாக்குமூலத்தில் கூறியதாவது:-

எனக்கு சொந்தமாக வேன் உள்ளது. அதனை நானே ஓட்டி வந்தேன். எனது வேனில் அடிக்கடி ஸ்ரீஜா பயணம் செய்வார். அவருடன் எனக்கு பழக்கம் ஏற்பட்டது. இது நாளடைவில் காதலாக மலர்ந்தது.

பகல் நேரத்தில் என் வீட்டில் யாரும் இருக்க மாட்டார்கள். எனவே நான் ஸ்ரீஜாவை வீட்டிற்கு அழைத்து செல்வேன். அங்கு அவருடன் உல்லாசமாக இருக்க விரும்பினேன். அதற்கு ஸ்ரீஜா மறுத்து விட்டார்.

எனவே நான் ஸ்ரீஜாவுக்கு குளிர் பானத்தில் மயக்க மருந்து கலந்து கொடுத்தேன். அவர் மயங்கியதும், ஸ்ரீஜாவை பாலியல் பலாத்காரம் செய்தேன். அதன்பின்பு இந்த சம்பவத்தை கூறியே அவருடன் நான் உல்லாசமாக இருந்தேன். இதில் ஸ்ரீஜா கர்ப்பமானார்.

கர்ப்பம் ஆனதும் உடனே திருமணம் செய்யும்படி ஸ்ரீஜா, என்னை வற்புறுத்தினார். இதில் ஆத்திரம் அடைந்த நான், சம்பவத்தன்று அவரை தாலி வாங்க வரும்படி குழித்துறைக்கு அழைத்து சென்றேன். அங்கு பாலத்தில் அமர்ந்து பேசிக்கொண்டிருந்த போது ஸ்ரீஜாவை ஆற்றில் தள்ளி விட்டேன்.

இதில் ஸ்ரீஜா தண்ணீரில் மூழ்கி இறந்து விட்டார்.

இவ்வாறு அவர் போலீசாரிடம் அளித்த வாக்குமூலத்தில் கூறினார்.

இதையடுத்து போலீசார் விபினை கோர்ட்டில் ஆஜர்படுத்தினர். பின்னர் அவரை நாகர்கோவில் ஜெயிலில் அடைத்தனர்.

இதற்கிடையே இந்த வழக்கு தொடர்பாக விசாரணை நடத்தி வந்த களியக்காவிளை சப்- இன்ஸ்பெக்டர் மோகன அய்யருக்கு, கைதான விபின் பற்றி சில ரகசிய தகவல்கள் கிடைத்தது. அதில் விபினுக்கு நெருங்கிய நண்பர்கள் இருப்பதாகவும், அவர்களிடம் ஸ்ரீஜா கொலை தொடர்பான பல ஆதாரங்கள் இருப்பதாகவும் தெரியவந்தது.

இதையடுத்து போலீசார், விபினின் நண்பர்களை தேடினர். இத்தகவல் வெளியானதும் நேற்று தையாலுமூடு பகுதியை சேர்ந்த வாலிபர் ஒருவர் போலீசாரை சந்தித்து ஒரு செல்போனை கொடுத்தனர்.

அந்த செல்போன், ஸ்ரீஜாவுக்கு சொந்தமானது என்றும், அதனை ஸ்ரீஜாவுக்கு வாங்கி கொடுத்தது விபின் என்றும் தெரியவந்தது. அந்த செல்போனில் விபின் மட்டுமே ஸ்ரீஜாவுடன் பேசுவார். அந்த செல்போனை வேறு எதற்கும் பயன்படுத்த கூடாது என்று விபின் கூறியதால், ஸ்ரீஜா அந்த செல்போனில் வேறு யாருடனும் பேசவில்லை. அந்த செல்போனை கிடைத்தால் அதனை போலீசார் அதனை ஆய்வு செய்தனர். அதில் விபின், ஸ்ரீஜாவுடன் மணிக்கணக்கில் பேசியிருப்பது தெரியவந்தது. இது வழக்கின் முக்கிய ஆதாரம் என்பதால் போலீசார் அந்த செல்போனை உடனே கோர்ட்டில் ஒப்படைத்தனர்.

இதற்கிடையே கைதான விபினுக்கு மேலும் பல பெண்களுடன் தொடர்பு இருக்கலாம் என்ற சந்தேகம் போலீசாருக்கு ஏற்பட்டு உள்ளது. விபின், வேனில் அழைத்து செல்லும் பெண்களிடம் சிரித்து, சிரித்து பேசுவார் என்றும், அவருடன் பல பெண்கள் தொடர்பில் இருந்து வந்த தாகவும் போலீசாருக்கு தகவல் கிடைத்துள்ளது.

தன்னுடன் தொடர்பில் இருந்த பெண்களை விபின் பாலியல் பலாத்காரம் செய்தாரா? என்பதை கண்டுபிடிக்கும் முயற்சியில் போலீசார் ஈடுபட்டுள்ளனர். இதற்காக ரகசிய விசாரணையும் தொடங்கி உள்ளது. #tamilnews

நாகர்கோவில்:

குமரி மாவட்டம் குழித்துறை அருகே மீனச்சல், பாட்டத்துவிளை பகுதியை சேர்ந்தவர் ஸ்ரீஜா (வயது 23). நர்சிங் படித்துள்ளார்.

இவர் தேங்காய் பட்டினத்தில் உள்ள உறவினர் வீட்டில் தங்கியிருந்து நித்திரவிளையில் உள்ள ஒரு தனியார் ஆஸ்பத்திரியில் நர்சாக பணிபுரிந்து வந்தார். கடந்த 19-ந் தேதி வீட்டில் இருந்து வேலைக்கு சென்ற ஸ்ரீஜா, அதன் பின்பு வீடு திரும்பவில்லை.

இதனால் உறவினர்கள் ஸ்ரீஜாவை தேடிவந்தனர். தோழிகளிடமும் கேட்டனர். எங்கு தேடியும் அவரை கண்டுபிடிக்க முடியவில்லை.

இந்த நிலையில் குழித்துறை ஆற்றில் ஒரு இளம்பெண் பிணம் கடந்த 21-ந் தேதி காலையில் மிதந்தது. இதை கண்ட அப்பகுதி மக்கள் போலீசாருக்கு தகவல் கொடுத்தனர். போலீசார் விரைந்து வந்து பிணத்தை கைப்பற்றி பிரேத பரிசோதனைக்கு அனுப்பி வைத்தனர்.

மேலும் பிணமாக மிதந்த பெண் யார்? என்று விசாரித்தனர். இதில் அவர் தேங்காய்பட்டினம் உறவினர் வீட்டில் இருந்து மாயமான ஸ்ரீஜா என தெரியவந்தது.

இதையடுத்து போலீசார் ஸ்ரீஜாவின் உறவினர்களை தொடர்பு கொண்டு தகவல் தெரிவித்தனர். அவர்கள் விரைந்து வந்து ஸ்ரீஜாவின் உடலை அடையாளம் காட்டியதோடு, அவரது சாவில் மர்மம் இருப்பதாக கூறினர்.

பின்னர் ஸ்ரீஜாவின் உடல் பிரேத பரிசோதனை முடிந்த பின்பு குழித்துறை அருகே மஞ்சரவிளை பகுதியில் மருதங்கோடு - களியக்காவிளை சாலையில் மறியல் போராட்டமும் நடத்தினர்.

போராட்டத்தில் ஈடுபட்டவர்களை போலீசார் சமரசம் செய்தனர். மேலும் ஸ்ரீஜாவின் பிரேத பரிசோதனை அறிக்கை கிடைத்ததும் அதன் தகவல் அடிப்படையில் விசாரணை நடத்தி குற்றவாளிகள் கைது செய்யப்படுவார்கள் எனவும் உறுதி அளித்தனர்.இதையடுத்து உறவினர்கள் போராட்டத்தை கைவிட்டனர்.

அதன்பின்பு போலீசாரின் விசாரணை தீவிரமானது. மேலும் ஸ்ரீஜாவின் பிரேத பரிசோதனை அறிக்கையும் கிடைத்தது. அதில் ஸ்ரீஜா 5 மாத கர்ப்பிணியாக இருந்தது தெரியவந்தது.

திருமணத்திற்கு முன்பே ஸ்ரீஜா, கர்ப்பமாக இருந்ததால் அவரது சாவில் மர்மம் இருப்பதை புரிந்து கொண்ட போலீசார், ஸ்ரீஜாவின் கர்ப்பத்திற்கு காரணமானவர் யார் என விசாரித்தனர். இதில் நித்திரவிளையை அடுத்த எஸ்.டி.மங்காடு பகுதியை சேர்ந்த வேன் டிரைவர் பிபின் (26) என்பவரை ஸ்ரீஜா காதலித்து வந்தது தெரியவந்தது.

போலீசார் பிபினை தேடி சென்றனர். அங்கு அவர் தலைமறைவாகி இருந்தார். இதனால் ஸ்ரீஜா சாவில் பிபினுக்கு தொடர்பு இருப்பதை உறுதி செய்த போலீசார் அவரை தேடி கண்டுபிடிக்க நடவடிக்கை எடுத்தனர்.

களியக்காவிளை சப்- இன்ஸ்பெக்டர் மோகன அய்யர் தலைமையிலான போலீசார் இன்று அதிகாலையில் பிபினை கண்டு பிடித்தனர். அவரிடம் போலீசார் விசாரணை நடத்திய போது அவர் தான் ஸ்ரீஜாவை ஆற்றில் தள்ளி கொலை செய்ததாக கூறினார். இதையடுத்து போலீசார் பிபினை கைது செய்தனர்.

பின்னர் அவர் கொலைக்கான காரணம் குறித்து போலீசாரிடம் கூறியதாவது:-

நித்திரவிளை ஆஸ்பத்திரிக்கு சென்று வந்த ஸ்ரீஜாவுடன் எனக்கு பழக்கம் ஏற்பட்டது. இருவரும் அடிக்கடி தனிமையில் சந்தித்து பேசி வந்தோம். அப்போது அவரை திருமணம் செய்து கொள்வதாக நான் ஆசை வார்த்தை கூறினேன்.

இதனால் நாங்கள் இருவரும் உல்லாசமாக இருந்தோம். இதில் ஸ்ரீஜா கர்ப்பம் ஆனார். இது பற்றி ஸ்ரீஜா என்னிடம் கூறினார்.ஆஸ்பத்திரிக்கு சென்று பரிசோதித்த போது அவர் 5 மாத கர்ப்பம் ஆக இருப்பது தெரியவந்தது.

கர்ப்பிணி ஆனதும் ஸ்ரீஜா தன்னை திருமணம் செய்து கொள்ளும்படி என்னை வற்புறுத்தினார். அதற்கு நான் ஒப்புக்கொள்ளவில்லை. இதனால் எங்களுக்கு இடையே தகராறு ஏற்பட்டது.

இந்த நிலையில் தான் கடந்த 19- ந் தேதி இரவு நான் ஸ்ரீஜாவை சந்தித்து என்னுடன் வருமாறு கூறினேன். நாங்கள் இருவரும் குழித்துறையில் உள்ள ஒரு ஆஸ்பத்திரிக்கு சென்று கர்ப்பத்தை கலைத்துவிட முடிவு செய்தோம். கர்ப்பமாகி 5 மாதம் ஆகிவிட்டதால் கர்ப்பத்தை கலைக்க முடியாது என்று ஆஸ்பத்திரியில் கூறிவிட்டனர்.

இதை கேட்டதும் ஸ்ரீஜா என்னிடம் மீண்டும் தன்னை திருமணம் செய்து கொள்ளும்படி பிரச்சினை செய்தார். இதில் எனக்கு ஆத்திரம் ஏற்பட்டது. எனவே நான் அவரை குழித்துறை ஆற்று பாலம் அருகே அழைத்து வந்தேன். அங்கு ஸ்ரீஜாவுடன் பேசிக்கொண்டிருந்தேன். திடீரென அவரை ஆற்றில் தள்ளிவிட்டேன். இதில் அவர் தண்ணீரில் மூழ்கி இறந்து விட்டார்.அவர் இறந்தது தெரிந்ததும் நான் தலைமறைவாகி விட்டேன். ஆனால் போலீசார் என்னை தேடி கண்டுபிடித்து கைது செய்துவிட்டனர். இவ்வாறு அவர் போலீசில் கூறியுள்ளார். இது தொடர்பாக சப்- இன்ஸ்பெக்டர் மோகன அய்யர் தொடர்ந்து விசாரணை நடத்தி வருகிறார். #tamilnews

ஆலங்குடி:

புதுக்கோட்டை மாவட்டம் ஆலங்குடி அருகே உள்ள குளமங்கலம் வடக்கு கிராமத்தை சேர்ந்தவர் சித்திரைவேலு. இவரது மகள் கஸ்தூரி (வயது 19). இவர் ஆலங்குடியில் உள்ள மருந்து கடையில் பணியாற்றி வந்தார். கடந்த 28-ந்தேதி வேலைக்கு சென்ற கஸ்தூரி அதன்பிறகுவீடு திரும்பவில்லை. அவரை அவரது பெற்றோர் மற்றும் உறவினர்கள் பல்வேறு இடங்களில் தேடினர். ஆனால் எங்கு தேடியும் கிடைக்கவில்லை.

இதைத்தொடர்ந்து கஸ்தூரியின் பெற்றோர் ஆலங்குடி போலீஸ் நிலையத்தில் புகார் செய்தனர். அதன்பேரில் போலீசார் வழக்குப்பதிவு செய்து கஸ்தூரி எங்கு சென்றார் என்று விசாரணை நடத்தினர். விசாரணையில் புதுக்கோட்டை மாவட்டம் அதிரான்விடுதியை சேர்ந்த லோடு ஆட்டோ டிரைவரான கருப்பையா என்பவரின் மகன் நாகராஜ்(27) என்பவருக்கும் கஸ்தூரிக்கும் பழக்கம் இருந்து வந்ததும், சம்பவத்தன்று இருவரும் ஆலங்குடியில் இருந்து ஒன்றாக இணைந்து சென்றதும் தெரியவந்தது. இதனால் சந்தேகமடைந்த போலீசார் நாகராஜை தேடும் பணியில் ஈடுபட்டனர். ஆனால் போலீசார் விசாரணைக்கு பயந்து நாகராஜ் தலைமறைவாகி விட்டார். இதையடுத்து அவரை தேடும் பணியில் போலீசார் ஈடுபட்டனர்.

அப்போது நாகராஜ் சென்னையில் பதுங்கியிருப்பது தெரியவந்தது. இதையடுத்து நாகராஜை ஆலங்குடிக்கு வரவழைத்த போலீசார் அவரை கைது செய்து விசாரணை நடத்தினர். விசாரணையில் கஸ்தூரி இறந்திருப்பது தெரியவந்தது. இதனால் அதிர்ச்சியடைந்த போலீசார் நாகராஜிடம் கிடுக்கிப்பிடி விசாரணை நடத்தினர்.

அப்போது கஸ்தூரி சாவுக்கான காரணம் குறித்து பரபரப்பு தகவல் கிடைத்தது. கடந்த 28-ந்தேதி கஸ்தூரியை ஆலங்குடி ஆதனக்கோட்டை சாலையில் உள்ள காட்டுப்பகுதிக்கு அழைத்து சென்ற நாகராஜ், அங்கு அவருடன் உடலுறவு கொண்டுள்ளார். அப்போது கஸ்தூரிக்கு நெஞ்சுவலி ஏற்படவே அவர் திடீரென மரணமடைந்துள்ளார். இதனால் என்னசெய்வதென்று தெரியாமல் திகைத்த நாகராஜ், போலீசாருக்கு தெரியாமல் இருக்க கஸ்தூரி உடலை சாக்குப்பையில் கட்டி தஞ்சை மாவட்டம் பேராவூரணி அருகே உள்ள மல்லிப்பட்டினத்தில் உள்ள ஆற்றில் வீசி விட்டு, சென்னைக்கு தப்பி சென்றுள்ளார். இந்தநிலையில் போலீசார் நடத்திய விசாரணையில் அவர் சிக்கிக்கொண்டார்.

இதனிடையே கஸ்தூரியின் உறவினர்கள், நாகராஜ் மீது உரிய நடவடிக்கை எடுக்க கோரி சாலை மறியல் போராட்டத்தில் ஈடுபட்டனர். மேலும் கஸ்தூரி உடலை மீட்கும் பணியில் போலீசார் ஈடுபட்டுள்ளனர்.

ஆரணி:

ஆரணி சைதாப்பேட்டை பகுதியை சேர்ந்த ஆட்டோ டிரைவர் சரவணன் மகள் ஷாலினி (வயது 18). இவர் வேலூர் சாய்நாதபுரத்தில் உள்ள தனியார் மகளிர் கல்லூரியில் பி.காம். 2-ம் ஆண்டு படித்து வந்தார்.

ஷாலினியும், ஆரணி பாரதியார் தெருவை சேர்ந்த நகை அடகுகடை வியாபாரி பூபதி மகன் அருண் (20) என்பவரும் 2 ஆண்டுகளாக காதலித்து வந்தனர்.

இவர்களின் காதலுக்கு காதலன் வீட்டார் எதிர்ப்பு தெரிவித்தனர். இதையடுத்து, ஷாலினியிடம் பேசுவதை காதலன் அருண் தவிர்த்தார். மனமுடைந்த ஷாலினி கடந்த 3-ந் தேதி வி‌ஷம் குடித்து தற்கொலை செய்து கொண்டார்.

இதையறிந்த காதலன் தலைமறைவாகிவிட்டார். ஆரணி டவுன் போலீசார் வழக்குப்பதிவு செய்து அருணை தேடி வந்தனர்.

26 நாட்கள் தேடுதல் வேட்டைக்கு பிறகு நேற்றிரவு காதலன் அருண் பிடிபட்டார். அவரை கைது செய்த போலீசார் தீவிர விசாரணை நடத்தி வருகின்றனர்.